Noticias

Según o letrado, deste xeito o Santander haberá de devolverlle ao seu cliente os 50.000 euros investidos neses produtos, xunto cos seus xuros legais dende a data da contratación (28.11.2006) e as custas de avogado, procurador e pericial (desenvolvida polo economista José Antonio Pena Beiroa). Pola súa banda, o cliente haberá restituir os rendementos percebidos xunto cos seus xuros legais. O banco fica coa plena propiedade das accións entregadas en troques das participacións preferentes.

Pérez Lema cita como principais novidades deste caso fronte a outros mais cotiáns en materia financeira en Galicia que o Banco Santander non comercializou os seus proprios produtos, senón unha emisión de preferentes dunha empresa alimentaria cliente súa. «Existe conflito de intereses entre o cliente minorista do Banco e a cliente emisora de preferentes», indica. Además, o cliente tiña, segundo o banco, un perfil «investidor moderado», con fondos de investimento estruturados  e mesmo mercara o ano anterior preferentes do próprio Banco Santander. Para Pérez Lema, «de calquera xeito, a xuiza considera que a información fornecida polo banco non foi abonda nin tampouco coa anticipación precisa para que o cliente se fixese unha diea cabal do que contrataba, velaí a decisión xudicial anulatoria».

Fuente: La Voz de Galicia